உறவுகள் எல்லாம்
முறை சொல்லியே
அழைக்கும் அம்மாவை
பெயர் சொல்லியழைக்க
அலுவலக நண்பருமில்லை
அடுக்களை தாண்டாத அவளுக்கு
அப்பா பெயருக்கு கடிதமெழுதி
அம்மாவை விசாரிக்கும்
பிறந்தவீடு தவிர
கடிதம் எழுதவும்
ஆளில்லை அவளுக்கு
அசைகின்ற சொத்துக்கள்
அம்மாவை அலங்கரித்தாலும்
பெயர்சொல்லும் அசையாத சொத்துக்கள்
அப்பாவின் பெயர் தாங்கியே
அவசர மளிகைக்கு
பாத்திரம் நீட்டும்
அடுத்தாத்து மாமியும்
'குமார் அம்மா' என
என் பெயர் இழுப்பாள்
அம்மாவை அழைக்க
திடீரென யாரேனும் கேட்டால்
சற்று யோசித்துதான்
சொல்லவேண்டியிருக்கிறது
பல வருடங்களாய்
பயன்படுத்தப்படாத
அம்மாவின் பெயரை
14 மறுமொழிகள்:
Hi..
It is too good.. ya.. now i remember that my mother's name is not used much more in her life..
Good poem..write more
M.PP
ரொம்ப நல்லா இருக்கு.
இத்தன நாளா இந்தப் பதிவு பக்கம் வராமல் இருந்ததற்கு வருந்துகிறேன்.
தொடர்ந்து எழுதுங்க.
சுதர்சன்.கோபால்
My sincere thanks to Ms. Padmapriya and Mr. Sudharsan Gopal.
// திடீரென யாரேனும் கேட்டால்
சற்று யோசித்துதான்
சொல்லவேண்டியிருக்கிறது
பல வருடங்களாய்
பயன்படுத்தப்படாத
அம்மாவின் பெயரை //
அப்பா, அம்மாவை ஏதேனும் செல்லப் பெயரிட்டு அழைப்பாரோ? :-))
(என் அம்மா பெயர் பாலா. அப்பா பெயர் ராஜேஸ்வரன். என் பெயர் பாலராஜன்:-))
அருமையான கவிதை.
உங்களின் இந்தக்கவிதை தி.ஒ.கவிதை குழுமத்தில் வந்திருக்கிறதா!? எங்கோ வாசித்த ஞாபகம்....
//அருமையான கவிதை.
உங்களின் இந்தக்கவிதை தி.ஒ.கவிதை குழுமத்தில் வந்திருக்கிறதா!? எங்கோ வாசித்த ஞாபகம்....
//
என் பதிவில் படித்திருப்பீர், அருள்குமாரிடமிருந்து சுட்டு நான் போட்டேன்
thappe illa kuzhali....I liked the lines very much. Arul, really you are disturbing me thru the writing.....
Sivasu
Nanbar Aruluku,
Kavidhai arumai. Manamarndha parattugal. ungalin padaipugal menmelum valara vazhthugiren.
அருமையான கவிதை !!!
தொடர்ந்து எழுதுங்க.
its fine, keep it up,thanks to our amma.
ம்ம்ம்.. எங்க அம்மா பேருக்கு இத்தனை பிரச்சனை இல்லைன்னாலும், என் தோழியோட அம்மாக்கள் பெயர் எனக்குத் தெரியாது.. அதை நினைவுப் படுத்துது
சரி, அப்பா எப்படி அழைப்பார்? அப்போ வந்துடுமே பேரு?!! ;)
பொன்ஸ்,
எங்க அம்மாவை அப்பா பெயர் சொல்லி அழைத்ததேயில்லை! யோசித்துப்பார்த்தால் ஆச்சர்யமாய்த்தான் இருக்கிறது!
நல்ல கவிதை.
நன்றிங்க!
Post a Comment